cheung Melody的部落格

        時間真係過得好快, 重有十日, 咩撈又大一歲, 諗返上年生日有 咕撈頭蛋糕 食之於重有得去睇 白老虎, 今日放假, 兔選擇左留係兔屋休息, 入到自己房, 見到一啲同巴庫有關既野, 如: 黑豬白兔, 係第一次去旅行(海南島買)、兩隻金牛, 今年第一次行年宵買、手上枝 nds筆、咕撈頭公仔、手提電腦、手提電話(07年聖誕禮物)....都令兔仔諗返好多回憶, 但兔知道依啲回憶, 好快就唔會再諗。

        今年兔仔既生日再次係返工作中度過, 係十二點既時候又會有一班新朋友送上一句 "生日快樂" 或一個香吻(只for女性), 然後就繼續工作。四月回復單身既兔仔, 本來都可以好快咁開始另一段感情, 但原來兩個人一齊都要考盧好多好多野架....感情得來太易, 兔又唔會太珍借. 所以都係覺得做返朋友更好。係唔洗拍拖既日子, 兔就更加努力工作, 日日都返工, 早三個字返到, 放工又遲兩三個字走, 有時唔夠數重會留多個半鐘, 放假有時就會上去兩大Neway呃下貨, 又諗下計叫佢地幫手散貨, 所以成個四月都覺得好累....其實未到年尾, 都唔知有幾多獎金落袋, 我哋咁努力究竟為咩呢?? e排又冇啦啦有 豬流感, 重殺左一個黎香港添...到左六月公司又要我地返 Neway 既女仔讀一個關於 市場學 既課程, 一星期重要上兩堂, 每堂三個鐘, 課程包括: 如何與客户保持良好關係、推銷技巧、溝通技巧、實用英語.等等....淨係睇d簡介, 我地都嚇親啦, 重要我地讀8個月!!!都唔知公司諗咩,,,,唔夠 行街 咪登報請人囉, 出面幾多大學生無野做呀, 如果讀完話升我地既...我地又唔怕辛苦呀, 因為做得百威行街, 都有成幾皮一個月架嘛...e架淨係希望時間可以慢d, 六月唔好咁快到........到左六月又希望全場百威,,,,唉..........越黎越多願望既兔, 真係好想自己變成一隻妖精, 咁就可以吹眠d人係咁飲百威, 都係早d瞓ZzzzZz~~!