cheung Melody的部落格

~祝咩撈生日快樂!~

        重有三日咩撈又大一歲啦, 今日係 兔媽節, 本來想買個 兔媽節蛋糕 同兔媽慶祝既, 但佢今日又返夜, 咁兔仔就出去買個 生日蛋糕 比自己, 自己最鐘意就係食 意大利芝士cake, 去睇左幾間....個個蛋糕都好大個呀! 咁咪要食成個星期?? 係 新都會 行行下見到間餅店係用 Q版雪狗 做主題, 兔就比佢吸引左入去啦...於是...就簡買d散裝既, 貪佢唔洗切嘛, 而且佢重話送埋蠟足比兔仔玩添, 一次買左六件都係$108咋, 囉住d蛋糕好開心咁跳返屋企。

        諗返起對上一次食 意大利芝士cake 都係二月(係Neway偷食), 而今日又有得食啦, 返到兔屋放好, 食個豐富既晚餐後, 就成盒餅囉出黎影相同玩蠟足, 望住枝點著左既蠟足, 我許左好多個願望, 不過最想都係得一個姐....上年個 生日願望 唔洗一年就實現左(希望可以返荃灣Neway、全場百威), 雖然間中都見到不小其他酒, 但好多時都係全場百威, 希望今年個願望都可以快d實現就好啦!!