close
原本係想同兔爸飲茶既, 但兔爸話只係想留係屋企飲湯同一家人係屋企食飯. 所以就無出去啦..等我重尋日收工邊度都唔去跑返屋企休息, 但都係失眠既, 尋日返 葵芳Neway, 已經不停諗返wingwing講既野, e個小朋友竟然叫兔 父親節 返佢屋企食飯, 個心其實都想去既! 但又唔知人地屋企人會點諗...自從兔生日之後...兔每一次唔開心同每一次醉, wingwing都總會係兔仔身邊, 大家互相照顧之下...佢送下兔返家, 兔又送下佢返家咁啦..不知不覺已經一個月啦! 而且佢重見過兔咸過唔小次..直至某一日佢貓左既時間...係TopBar錫左兔咀一啖開始. 兔就知道我地唔應該再咁落去....原來男同女真係唔可以做到朋友. 以為同佢講清楚就無事...但自己一悶既時候就不自覺電下佢, 傾下d無聊野, 一有小小無心機, 我地又出去飲酒! 而且佢重特登放星期日陪兔, 但個個星期日都離不開飲酒. 有次重比 小姚 既一句話鬧醒....小姚話: 〝你唔鐘意佢就唔好比希望人. 你咁樣好自私, 依d仔你一日識唔小啦, 玩完咪算, 玩感情唔o岩你, 你自己係咩人你自己最清楚, 你個缺點.你會用真感情, 係你教我係酒吧識既人唔好放感情!〞雖然wingwing當時貓左聽唔到我地講既野. 跟住 小姚 重拉兔走重叫兔咪理佢! 但兔又點舍得唔理佢呢?!
到左今日兔仔已經知道, 自己愛上左e個小朋友, 但會同佢保持朋友關係, 如果有一日我真心鍚返e個小朋友, 咁我地個關係係咪會結束呢??
全站熱搜
留言列表
